Генерал-лейтенант, ҰҚК экс-басшысы Амангелді Шабдарбаев Заманбек Нұрқаділовтың өліміне қатысты ақпаратпен бөлісті, деп хабарлайды “Адырна”.
Амангелді Шабдарбаев Abay Live YouTube арнасына берген сұхбатында Заманбек Нұрқаділов пен бұрынғы басшы Нұрсұлтан Назарбаевтың қарым-қатынасы туралы сөз етті.
Шабдарбаев саясаткер Нұрқаділовтің өзіне қол жұмсағанына сенбейтінін мойындады.
«Мен Мақпал Жүнісовамен кездестім. Жақсы сөйлестік. Уақыты келіп, талай фактілер ашылады деп шын айттым. Бұларды құқық қорғау органдары ашады дедім. Өз басым тереңге бармадым, тексермедім.
Бірақ мен өзімнің жеке пікірімді айта аламын: ол әйел үшін өзін атпас еді. Мен оның мінезін білемін - ол махаббат үшін өзін 3 рет атпас еді. Өзін-өзі атпаған», – дейді ол.
Одан кейін ҰҚК бұрынғы басшысы Назарбаев пен Нұрқаділов арасында алғашқы күрделі кикілжің қалай туындағанын айтты.
«Заманбек Нұрқаділов қу адам емес еді, ол бәрін тура айтып, сөзінен ешқашан бас тартпайтын. Шынымды айтсам, оны қатты сыйлайтынмын.
Назарбаевқа көмектесіп, оған: Мен сенің жасаған жақсылықтарыңды ұмытпаймын. Ал Нұрқаділов бұған сенді, – деп жалғастырды Шабдарбаев.
Амангелді Шабдарбаевтың ойынша, саясаткерлер арасындағы алауыздықты Нұрқаділовтің жары Мақпал Жүнісова да тудырған.
«Мақпал Жүнісова да өз рөлін сомдады. Ол: Назарбаев сенен қорқады, сені пайдаланып жатыр.
Мәжіліс Астанаға көшкен кезде Нұрқаділов Алматыдан кетуден бас тартты, ол кезде облыс әкімі болды. Осылайша олардың қарым-қатынасы нашарлады, содан кейін компроматтар жариялана бастады», - деп қосты ол.
Заманбек Нұрқаділов - Қазақ КСР-і мен Қазақстан Республикасының мемлекет және қоғам қайраткері, саясаткер. Ол 2005 жылы 12 қарашада өз үйінде қайтыс болған. Бүгінге дейін ресми ақпаратта ол өзін-өзі өлтірді деп мәлімденген.
