General-leıtenant, UQK eks-basshysy Amangeldi Shabdarbaev Zamanbek Nurqadilovtyń ólimine qatysty aqparatpen bólisti, dep habarlaıdy “Adyrna”.
Amangeldi Shabdarbaev Abay Live YouTube arnasyna bergen suhbatynda Zamanbek Nurqadilov pen burynǵy basshy Nursultan Nazarbaevtyń qarym-qatynasy týraly sóz etti.
Shabdarbaev saıasatker Nurqadilovtiń ózine qol jumsaǵanyna senbeıtinin moıyndady.
«Men Maqpal Júnisovamen kezdestim. Jaqsy sóılestik. Ýaqyty kelip, talaı faktiler ashylady dep shyn aıttym. Bulardy quqyq qorǵaý organdary ashady dedim. Óz basym tereńge barmadym, teksermedim.
Biraq men ózimniń jeke pikirimdi aıta alamyn: ol áıel úshin ózin atpas edi. Men onyń minezin bilemin - ol mahabbat úshin ózin 3 ret atpas edi. Ózin-ózi atpaǵan», – deıdi ol.
Odan keıin UQK burynǵy basshysy Nazarbaev pen Nurqadilov arasynda alǵashqy kúrdeli kıkiljiń qalaı týyndaǵanyn aıtty.
«Zamanbek Nurqadilov qý adam emes edi, ol bárin týra aıtyp, sózinen eshqashan bas tartpaıtyn. Shynymdy aıtsam, ony qatty syılaıtynmyn.
Nazarbaevqa kómektesip, oǵan: Men seniń jasaǵan jaqsylyqtaryńdy umytpaımyn. Al Nurqadilov buǵan sendi, – dep jalǵastyrdy Shabdarbaev.
Amangeldi Shabdarbaevtyń oıynsha, saıasatkerler arasyndaǵy alaýyzdyqty Nurqadilovtiń jary Maqpal Júnisova da týdyrǵan.
«Maqpal Júnisova da óz rólin somdady. Ol: Nazarbaev senen qorqady, seni paıdalanyp jatyr.
Májilis Astanaǵa kóshken kezde Nurqadilov Almatydan ketýden bas tartty, ol kezde oblys ákimi boldy. Osylaısha olardyń qarym-qatynasy nasharlady, sodan keıin kompromattar jarııalana bastady», - dep qosty ol.
Zamanbek Nurqadilov - Qazaq KSR-i men Qazaqstan Respýblıkasynyń memleket jáne qoǵam qaıratkeri, saıasatker. Ol 2005 jyly 12 qarashada óz úıinde qaıtys bolǵan. Búginge deıin resmı aqparatta ol ózin-ózi óltirdi dep málimdengen.
