Әйелді ұрып-соғып, қылмыс орнынан қашып кеткен Қарқаралы тұрғыны Қарағандыдан ұсталды. Жедел-іздестіру шаралары барысында полицейлер "Арлан" арнайы жасағының жауынгерлерімен бірлесіп, іске көшті, деп хабарлайды “Адырна” тілшісі.
30 жастағы күдікті полиция бөліміне жеткізілді.
25 тамызда түнде Қарқаралы ауданының криминалдық полиция басқармасы мен ПБ қызметкерлері жедел-іздестіру іс-шараларын жүргізу кезінде Қарағанды қаласында "Арлан" арнайы мақсаттағы бөлімшесінің сарбаздарымен бірлесіп Қарқаралы ауданының тұрғынына шабуыл жасады деген 30 жастағы күдікті анықтап, ұстады, - деді Қарағанды облысы ПД Криминалдық полиция басқармасының бастығы Аслан Өскембаев.
Тергеу әрекеттері әлі жүргізіліп жатыр.
Еске салсақ, Қарағанды облысында кәмелетке толмаған бала анасына шабуыл жасаған ер адамды видеоға түсіріп алған. 51 жастағы Қарқаралы тұрғынына жасалған шабуылдың видеосы тарап кетті.
