ҚР Қорғаныс министрі Руслан Жақсылықов Украина мен Беларусь шекарасында өтетін алдағы ҰҚШҰ-ның (ОДКБ) оқу-жаттығулары және оған Қазақстан сарбаздарының қатысуы туралы сұрақтарға жауап берді, деп хабарлайды "Адырна" ұлттық порталы.
"Ақпарат кеңістігінде Қазақстанның броньды техниканы жеткізіп жатқаны жайлы дерек – жалған. Бүгінгі күні барлық техника өз орнында, тиісті пункттерде тұр. Беларуссияға 11 адамнан тұратын жедел топ жіберілді. Мұндай шаруамен басқару органдарының айналысады", - деді Жақсылықов үкімет жиынында.
Сондай-ақ, Қорғаныс министрлігінің басшысы оқу-жаттығу жиынының Украина шекарасында неліктен өткізіп жатқанына қатысты қойылған сұрақтарға жауап берді.
"Украина жерінің оған не қатысы бар? Беларусь - ҰҚШҰ мүшесі болып табылатын бейбітсүйгіш мемлекет. Мұндай жиындарды өткізу шаралары, орны туралы шешім алдын-ала қабылданады. Ешқандай қауіп-қатер жоқ Бізде арнайы ҰҚШҰ штабы бар, онда бірлескен сабақтар, тренингтер, оқу-жаттығулар өткізу жоспарланып отыр. Біз кесте шеңберінде жұмыс істейміз. Қазақстан өзінің барлық халықаралық міндеттемелерін орындайды", - деді министр өз сөзінде.
"Адырна" ұлттық порталы
