Алматы полициясы Дәулет Тұрлыхановтың ұлымен болған оқиғаға қатысты жауап берді, - деп хабарлайды "Адырна" порталы.
Тәртіп сақшыларының айтуынша, жағдайға қатысты анықтау шараларының бәрі жасалған.
"Алматы полиция департаменті бұл факті бойынша ішкі істер органдарына арыз-шағым түспегенін хабарлайды. Дегенмен, жағдайға қатысы барлар анықталды.
Олар оқиғаның сол күні біткенін, ешкімге талап-арызының жоқтығын айтып, полицияға арызданудан бас тартты», - деп хабарлады Алматы Полиция департаментінің баспасөз қызметі.
Бұған дейін әлеуметтік желілерде Дәулет Тұрлыхановтың тағы бір ұлы қызды ұрып-соққаны туралы ақпарат пайда болған. Мәжілісмен журналистерге бұл жағдайдан бейхабар екенін, олардан жаңа ғана білгенін айтты.
Кейін депутат кең тараған видеоның ақпараттық шабуыл екенін айтты.