Мароккодағы жер сілкінісі құрбандарының саны 2 мыңнан асты, деп хабарлайды “Адырна”.
Елдің Ішкі істер министрлігінің мәліметінше, жер сілкінісінен қаза тапқандар саны 2012 адамға жеткен.
Соңғы дерек бойынша кем дегенде 2059 адам зардап шеккен. Оның ішінде 1404-і ауыр халде.
Марокко королі Мұхаммед VI көптеген адамның қазасына байланысты елде үшкүндік қаралы күн жариялады. Сондай-ақ ол зардап шеккендерге көмек көрсету және ғимараттарды қалпына келтіру бойынша төтенше жағдай бағдарламасын әзірлеуді бұйырды.
Мароккода 8 қыркүйек күні кешкі уақытта магнитудасы 6,9 балдық жойқын жер сілкінісі болған еді. Қазақстан Сыртқы істер министрлігінің ресми өкілі Айбек Смадияровтың мәліметінше жер сілкінісі салдарынан қаза тапқандар мен зардап шеккендер арасында қазақстандықтар жоқ.
