Түркістан облысында мектеп директорына теріс діни ағым өкілдері қоқан-лоққы көрсетіп, үрып кеткен. Бұл туралы заңгер Айгүл Орынбек желіде жазды, деп хабарлайды "Адырна" порталы ақпарат агенттігі.
Айгүл Орынбектің айтуынша, теріс діни ағым өкілдері мектеп директорына дене жарақатын салған.
Күні кеше Фирдауси мектебінің директоры Жанар Сапарды екі сақалды қазақ жігіттері келіп қылқындырып, ұрып, сүйрелеп дене жарақатын салып кеткен. Ал полиция қызметкерлері екі жігітті табудың орнына, “арыз-шағымым жоқ” деген қағаз жаздырып алып кеткен! Теріс діни ағымдарға және діни киім атрибуттарына шұғыл түрде заң қабылдауды талап етемін! - деп жазды ол Facebook парақшасында.
