21 қыркүйекте Алматыда тоғызқұмалақтан оқушылар арасында әлем чемпионаты басталды. Спорттық біріншілікке әлемнің 17 елінен 200-ден аса бала тіркелді. Ойын қыркүйектің 24-і мәресіне жетеді.
Атырауда тоғызқұмалақты дамыту кезінде Президент «шығынды аз қажет ететін спорт түрлерін дамыту керек» деді. Соның ішінде тоғызқұмалақ бар. Байқаудың жүлде қоры - 8 млн теңге. Жүлде саны - 32. Бірінші орынға 450 мың теңге, үшінші орынға 150 мың теңге беріледі, – деді Республикалық тоғызқұмалақ федерациясының вице-президенті Әкім Тұрсұн.
2010 жылы алғаш әлем чемпионаты өтті. Содан бері 6 әлем чемпионаты, 5 Азия чемпионаты, 4 Еуропа чемпионаты ұйымдастырылды. Бұл чемпионаттарға 25-30 мемлекеттің өкілі қатысты. Тоғызқұмалақ қанатын жайып, аясын кеңейтті, – деді Республикалық және дүниежүзілік тоғызқұмалақ федерациясының президенті Әлихан Бәйменов.