Қасым-Жомарт Тоқаев неғұрлым тең және заманауи Қазақстанды құруға бағытталған экономикалық реформалар сериясын жариялады. Ең алдымен білім беру және денсаулық сақтау сияқты негізгі салалардағы әлеуметтік мемлекеттің рөлін күшейту туралы болып отыр. Бұл туралы Жерорта теңізі-Еуразиялық зерттеулер орталығының вице-президенті Стефано Верноль айтты.
“Қазақстан күткендей 2029 жылға дейін жылына 6-7 пайыз тұрақты экономикалық өсімге қол жеткізсе, мемлекет даму көрсеткіші бойынша әлемдік көшбасшылар қатарында болады. Бұл шетелдік компанияларды салықтық ынталандыру және құқықтарды қамтамасыз ету, сондай-ақ жаңа инфрақұрылымдарды пайдалану арқылы шетелдік инвестицияларды көбірек тарту қажеттілігін білдіреді.
Осы себепті Қазақстан Еуразияның транзиттік хабы ретіндегі ұстанымын және Ресеймен, Қытаймен және Азия елдерімен тату көршілік қарым-қатынасын белсендірек пайдалануы керек. Ауыл шаруашылығы және жасыл экономика сияқты стратегиялық салаларда да солай болуы керек.
Тоқаев ұсынған жоспар оның билігінің жаңашыл бағытын растап, екі жаңа министрліктің (көлік және су ресурстары) құрылуы мемлекеттің экономикалық бағыттың көшбасшысы ретіндегі рөлін жандандыратынын атап өткен жөн”,- деді ол.
Бельгиялық EU Reporter басылымының саяси редакторы Ник Пауэлл осыдан 28 жыл бұрын елде демократиялық зайырлы мемлекет құру туралы референдумда қабылданған шешім бостандық, теңдік, келісім мұраттары жарияланған тағдырлы болып қала беретінін айтты.
“Республиканың ең жоғары құқықтық құжатына бес рет түзетулер енгізілді, оның соңғысы 2022 жылы қабылданды”, деп жазады ол.
БҰҰ-ның Женевадағы бөлімшесінің бас директоры хатшылығының меңгерушісі Давид Чикваидзе:
“Кейбіреулер түзетулер енгізіліп жатыр деуде. Иә, түзетулер енгізілуде, Америка Конституциясына қазірдің өзінде 26 немесе 27 түзетулер бар, бірақ Конституция 200 жылдан астам уақыт бұрын қабылданған. Бұл нақты өмірден туындаған түзетулермен және реформалардың қажеттіліктерімен байытылатын тірі организм”,- деді.
Сарапшылардың пайымдауынша, ұйымның тұрақты даму мақсаттарына бірлесіп қол жеткізу үшін елдің алдында көптеген жоспарлар бар. Қазақстан БҰҰ-ның су конвенциясына қосылған елдердің бірі. Бұл біздің мемлекет пен Еуропалық экономикалық комиссия ұйымы арасындағы ынтымақтастықтың негізгі бағыттарының бірі. Су конвенциясының мақсаттары Мемлекет басшысының жаңа Жолдауында осы салада алға қойған міндеттерімен толық сәйкес келеді, деп санайды мамандар.
Испан БҰҰ Еуропалық экономикалық комиссиясының хатшысы Татьяна Молчанның айтуынша, Қазақстан осы Конвенцияны жүзеге асыруға көмектесетін көшбасшылардың бірі.
“Менің ойымша, Қазақстанның тәжірибесі көптеген елдерге пайдалы болуы мүмкін. Бұл Қазақстанның Орталық Азияда ғана емес, БҰҰ ЕЭК аймағындағы тәжірибесі мен жетекші рөлі бар салалардың бірі”, деді ол.
Еуразия құрлығы үшін маңызды транзиттік хабқа айналу идеясы бұрынғыдан да маңызды. Түрік саясаттанушылары көрсетілген бастамалар алдағы жылдары Қазақстан экономикасы үшін жемісін береді. Бұл жөнінде Стратегиялық зерттеулер орталығының директоры Месут Эмре Каракосе айтты.
“Қазақстанда саяси-құқықтық реформалар жалғасуда. Күшті президенттік, тиімді парламент және есеп беретін үкімет үлгісі құрылды. Жаңадан құрылған бес министрлік – атом электр стансасын салу жөніндегі референдум туралы хабарлау – соның көрсеткіші. Қазақстан әлемдегі ең ірі уран өндіруші, сондықтан мұндай маңызды мәселе оның тұрғындарының пікірін ескере отырып шешілетін болады. Қолданыстағы шұғыл бастамалар қысқа мерзімде өз нәтижесін беретіні сөзсіз”, деді ол.
