Memleket basşysynyŋ joldauy älemdık saiasi belsendıler tarapynan qoldau tabuda

Qasym-Jomart Toqaev neǧūrlym teŋ jäne zamanaui Qazaqstandy qūruǧa baǧyttalǧan ekonomikalyq reformalar seriiasyn jariialady.  Eŋ aldymen bılım beru jäne densaulyq saqtau siiaqty negızgı salalardaǧy äleumettık memlekettıŋ rölın küşeitu turaly bolyp otyr. Būl turaly Jerorta teŋızı-Euraziialyq zertteuler ortalyǧynyŋ vise-prezidentı Stefano Vernol aitty. “Qazaqstan kütkendei 2029 jylǧa deiın jylyna 6-7 paiyz tūraqty ekonomikalyq ösımge qol jetkızse, memleket damu körsetkışı boiynşa älemdık köşbasşylar qatarynda bolady. Būl şeteldık kompaniialardy salyqtyq yntalandyru jäne qūqyqtardy qamtamasyz etu, sondai-aq jaŋa infraqūrylymdardy paidalanu arqyly şeteldık investisiialardy köbırek tartu qajettılıgın bıldıredı. Osy sebeptı Qazaqstan Euraziianyŋ tranzittık haby retındegı ūstanymyn jäne Reseimen, Qytaimen jäne Aziia elderımen tatu körşılık qarym-qatynasyn belsendırek paidalanuy kerek. Auyl şaruaşylyǧy jäne jasyl ekonomika siiaqty strategiialyq salalarda da solai boluy kerek. Toqaev ūsynǧan jospar onyŋ bilıgınıŋ jaŋaşyl baǧytyn rastap, ekı jaŋa ministrlıktıŋ (kölık jäne su resurstary) qūryluy memlekettıŋ ekonomikalyq baǧyttyŋ köşbasşysy retındegı rölın jandandyratynyn atap ötken jön”,- dedı ol. Belgiialyq EU Reporter basylymynyŋ saiasi redaktory Nik Pauell osydan 28 jyl būryn elde demokratiialyq zaiyrly memleket qūru turaly referendumda qabyldanǧan şeşım bostandyq, teŋdık, kelısım mūrattary jariialanǧan taǧdyrly bolyp qala beretının aitty. “Respublikanyŋ eŋ joǧary qūqyqtyq qūjatyna bes ret tüzetuler engızıldı, onyŋ soŋǧysy 2022 jyly qabyldandy”, dep jazady ol.

BŪŪ-nyŋ Jenevadaǧy bölımşesınıŋ bas direktory hatşylyǧynyŋ meŋgeruşısı David Chikvaidze:

“Keibıreuler tüzetuler engızılıp jatyr deude. İä, tüzetuler engızılude, Amerika Konstitusiiasyna qazırdıŋ özınde 26 nemese 27 tüzetuler bar, bıraq Konstitusiia 200 jyldan astam uaqyt būryn qabyldanǧan. Būl naqty ömırden tuyndaǧan tüzetulermen jäne reformalardyŋ qajettılıkterımen baiytylatyn tırı organizm”,- dedı.

Sarapşylardyŋ paiymdauynşa, ūiymnyŋ tūraqty damu maqsattaryna bırlesıp qol jetkızu üşın eldıŋ aldynda köptegen josparlar bar. Qazaqstan BŪŪ-nyŋ su konvensiiasyna qosylǧan elderdıŋ bırı. Būl bızdıŋ memleket pen Europalyq ekonomikalyq komissiia ūiymy arasyndaǧy yntymaqtastyqtyŋ negızgı baǧyttarynyŋ bırı. Su konvensiiasynyŋ maqsattary Memleket basşysynyŋ jaŋa Joldauynda osy salada alǧa qoiǧan mındetterımen tolyq säikes keledı, dep sanaidy mamandar.

İspan BŪŪ Europalyq ekonomikalyq komissiiasynyŋ hatşysy Tatiana Molchannyŋ aituynşa, Qazaqstan osy Konvensiiany jüzege asyruǧa kömektesetın köşbasşylardyŋ bırı.

“Menıŋ oiymşa, Qazaqstannyŋ täjıribesı köptegen elderge paidaly boluy mümkın. Būl Qazaqstannyŋ Ortalyq Aziiada ǧana emes, BŪŪ EEK aimaǧyndaǧy täjıribesı men jetekşı rölı bar salalardyŋ bırı”, dedı ol. 

Euraziia qūrlyǧy üşın maŋyzdy tranzittık habqa ainalu ideiasy būrynǧydan da maŋyzdy. Türık saiasattanuşylary körsetılgen bastamalar aldaǧy jyldary Qazaqstan ekonomikasy üşın jemısın beredı. Būl jönınde  Strategiialyq zertteuler ortalyǧynyŋ direktory Mesut Emre Karakose aitty.

“Qazaqstanda saiasi-qūqyqtyq reformalar jalǧasuda. Küştı prezidenttık, tiımdı parlament jäne esep beretın ükımet ülgısı qūryldy. Jaŋadan qūrylǧan bes ministrlık – atom elektr stansasyn salu jönındegı referendum turaly habarlau – sonyŋ körsetkışı. Qazaqstan älemdegı eŋ ırı uran öndıruşı, sondyqtan mūndai maŋyzdy mäsele onyŋ tūrǧyndarynyŋ pıkırın eskere otyryp şeşıletın bolady. Qoldanystaǧy şūǧyl bastamalar qysqa merzımde öz nätijesın beretını sözsız”, dedı ol.