Алматыға спорттық жарысқа келген 6 жасар бала оқыстан қаза тапты, деп "Адырна" тілшісі Stan.kz ақпарат агенттігіне сілтеме жасап хабарлайды.
Қайғылы оқиға 30 қыркүйекте түскі уақытта болған.
Бейресми дереккөздердің мәліметінше, бір топ бала жеке спорт клубының жаттықтырушысымен бірге AIGA Grappling сияқты жекпе-жек спортының бір түрі бойынша ARLAN GRIP KUZ OPEN (AIGA) халықаралық турниріне қатысу үшін Атыраудан Алматыға арнайы келген.
"Байқоңыр" спорт клубының жаттықтырушысы жарысқа 12-14 жас аралығындағы бір топ жасөспірімдерді апарған. Олар атыраулық спортшылар тұрақтаған жерде болған. Олардың бесеуі дүкенге баруға сұранған.
Дүкенге барғанда алты жасар И.Ж. есімді бала оқыс оқиғаға ұшырап, қаза тапқан. Әзірге қандай "оқыс оқиға" екені нақты айтылмайды,
Оқиға туралы Алматының құқық қорғау органдарына хабарланып, тергеу амалдары жүргізілуде. Мәліметтер нақтылануда. Басылымның жазуынша, баланың неден көз жұмғаны нақтыланбаған.
