الماتىعا سپورتتىق جارىسقا كەلگەن 6 جاسار بالا وقىستان قازا تاپتى، دەپ "ادىرنا" ءتىلشىسى Stan.kz اقپارات اگەنتتىگىنە سىلتەمە جاساپ حابارلايدى.
قايعىلى وقيعا 30 قىركۇيەكتە تۇسكى ۋاقىتتا بولعان.
بەيرەسمي دەرەككوزدەردىڭ مالىمەتىنشە، ءبىر توپ بالا جەكە سپورت كلۋبىنىڭ جاتتىقتىرۋشىسىمەن بىرگە AIGA Grappling سياقتى جەكپە-جەك سپورتىنىڭ ءبىر ءتۇرى بويىنشا ARLAN GRIP KUZ OPEN (AIGA) حالىقارالىق تۋرنيرىنە قاتىسۋ ءۇشىن اتىراۋدان الماتىعا ارنايى كەلگەن.
"بايقوڭىر" سپورت كلۋبىنىڭ جاتتىقتىرۋشىسى جارىسقا 12-14 جاس ارالىعىنداعى ءبىر توپ جاسوسپىرىمدەردى اپارعان. ولار اتىراۋلىق سپورتشىلار تۇراقتاعان جەردە بولعان. ولاردىڭ بەسەۋى دۇكەنگە بارۋعا سۇرانعان.
دۇكەنگە بارعاندا التى جاسار ي.ج. ەسىمدى بالا وقىس وقيعاعا ۇشىراپ، قازا تاپقان. ازىرگە قانداي "وقىس وقيعا" ەكەنى ناقتى ايتىلمايدى،
وقيعا تۋرالى الماتىنىڭ قۇقىق قورعاۋ ورگاندارىنا حابارلانىپ، تەرگەۋ امالدارى جۇرگىزىلۋدە. مالىمەتتەر ناقتىلانۋدا. باسىلىمنىڭ جازۋىنشا، بالانىڭ نەدەن كوز جۇمعانى ناقتىلانباعان.
