Almatyǵa sporttyq jarysqa kelgen 6 jasar bala oqystan qaza tapty, dep "Adyrna" tilshisi Stan.kz aqparat agenttigine silteme jasap habarlaıdy.
Qaıǵyly oqıǵa 30 qyrkúıekte túski ýaqytta bolǵan.
Beıresmı derekkózderdiń málimetinshe, bir top bala jeke sport klýbynyń jattyqtyrýshysymen birge AIGA Grappling sııaqty jekpe-jek sportynyń bir túri boıynsha ARLAN GRIP KUZ OPEN (AIGA) halyqaralyq týrnırine qatysý úshin Atyraýdan Almatyǵa arnaıy kelgen.
"Baıqońyr" sport klýbynyń jattyqtyrýshysy jarysqa 12-14 jas aralyǵyndaǵy bir top jasóspirimderdi aparǵan. Olar atyraýlyq sportshylar turaqtaǵan jerde bolǵan. Olardyń beseýi dúkenge barýǵa suranǵan.
Dúkenge barǵanda alty jasar I.J. esimdi bala oqys oqıǵaǵa ushyrap, qaza tapqan. Ázirge qandaı "oqys oqıǵa" ekeni naqty aıtylmaıdy,
Oqıǵa týraly Almatynyń quqyq qorǵaý organdaryna habarlanyp, tergeý amaldary júrgizilýde. Málimetter naqtylanýda. Basylymnyń jazýynsha, balanyń neden kóz jumǵany naqtylanbaǵan.
