Ханчжоудағы Пара Азия ойындарынан Қазақстан құрамасының қоржынына екінші алтын түсті, деп хабарлайды “Адырна” ұлттық порталы.
Пара дзюдодан 48кг салмақтың J2 санатында бақ сынаған Ақмарал Науатбек чемпион болды. Ақмарал пара дзюдодан Азия ойындарында чемпион атанған алғашқы Қазақстандық пара дзюдошы атанды.
Ақтық сында ол Қытай спортшысы Ли Личиннен басым түсті.
Жеңіс оңай келмейді, бірақ бүгін Ақмарал жеңіске деген құлшынысын көрсетті. Мен Ақмаралды жарқын жеңісімен құттықтаймын және боз кілемдегі еңбегі үшін алғыс айтамын! - деді туризм және спорт министрі Ермек Маржықпаев.
