Саясаттанушы Досым Сәтпаев шахтадағы апатқа байланысты пікір білдірді, деп хабарлайды "Адырна" тілшісі Kznews.kz-ке сілтеп.
Белгілі саясаттанушы «АрселорМиттал Теміртау» шахтасындағы трагедияға қатысты пікір білдірді. Ол опат болғандардың еңбегі бағаланбағанын айтады.
«Адамдар өз отбасын асыраймын деп жүріп ажал құшты. Шахтадағы кезекті трагедия. Бұл бірінші Президенттің тұсынан бері жалғасын тауып келе жатыр. Ол елді олигархтар мен шетелдік инвесторларға берді. Оларға елдің қазба байлығының бір үлесін иелену үшін тонауға мүмкіндік берді. Алайда адамдардың өмірі мен еңбегін бағаламады», — деді Досым Сәтпаев.
Саясаттанушының пікірінше, шахтерлер «АрселорМиттал Теміртау» компаниясының директоры Лакшми Митталдың сараңдығынан құрбан болған.
Досым Сәтпаев еліміздегі өзге де билік басындағылар пайда көру үшін қарапайым жұмысшылардың өмірін құрбандыққа шалып келгенін айтады.
