ساياساتتانۋشى دوسىم ساتپاەۆ شاحتاداعى اپاتقا بايلانىستى پىكىر ءبىلدىردى، دەپ حابارلايدى "ادىرنا" ءتىلشىسى Kznews.kz-كە سىلتەپ.
بەلگىلى ساياساتتانۋشى «ارسەلورميتتال تەمىرتاۋ» شاحتاسىنداعى تراگەدياعا قاتىستى پىكىر ءبىلدىردى. ول وپات بولعانداردىڭ ەڭبەگى باعالانباعانىن ايتادى.
«ادامدار ءوز وتباسىن اسىرايمىن دەپ ءجۇرىپ اجال قۇشتى. شاحتاداعى كەزەكتى تراگەديا. بۇل ءبىرىنشى پرەزيدەنتتىڭ تۇسىنان بەرى جالعاسىن تاۋىپ كەلە جاتىر. ول ەلدى وليگارحتار مەن شەتەلدىك ينۆەستورلارعا بەردى. ولارعا ەلدىڭ قازبا بايلىعىنىڭ ءبىر ۇلەسىن يەلەنۋ ءۇشىن توناۋعا مۇمكىندىك بەردى. الايدا ادامداردىڭ ءومىرى مەن ەڭبەگىن باعالامادى»، — دەدى دوسىم ساتپاەۆ.
ساياساتتانۋشىنىڭ پىكىرىنشە، شاحتەرلەر «ارسەلورميتتال تەمىرتاۋ» كومپانياسىنىڭ ديرەكتورى لاكشمي ميتتالدىڭ ساراڭدىعىنان قۇربان بولعان.
دوسىم ساتپاەۆ ەلىمىزدەگى وزگە دە بيلىك باسىنداعىلار پايدا كورۋ ءۇشىن قاراپايىم جۇمىسشىلاردىڭ ءومىرىن قۇرباندىققا شالىپ كەلگەنىن ايتادى.
