Saıasattanýshy Dosym Sátpaev shahtadaǵy apatqa baılanysty pikir bildirdi, dep habarlaıdy "Adyrna" tilshisi Kznews.kz-ke siltep.
Belgili saıasattanýshy «ArselorMıttal Temirtaý» shahtasyndaǵy tragedııaǵa qatysty pikir bildirdi. Ol opat bolǵandardyń eńbegi baǵalanbaǵanyn aıtady.
«Adamdar óz otbasyn asyraımyn dep júrip ajal qushty. Shahtadaǵy kezekti tragedııa. Bul birinshi Prezıdenttiń tusynan beri jalǵasyn taýyp kele jatyr. Ol eldi olıgarhtar men sheteldik ınvestorlarǵa berdi. Olarǵa eldiń qazba baılyǵynyń bir úlesin ıelený úshin tonaýǵa múmkindik berdi. Alaıda adamdardyń ómiri men eńbegin baǵalamady», — dedi Dosym Sátpaev.
Saıasattanýshynyń pikirinshe, shahterler «ArselorMıttal Temirtaý» kompanııasynyń dırektory Lakshmı Mıttaldyń sarańdyǵynan qurban bolǵan.
Dosym Sátpaev elimizdegi ózge de bılik basyndaǵylar paıda kórý úshin qarapaıym jumysshylardyń ómirin qurbandyqqa shalyp kelgenin aıtady.
