Pavlodar oblysynda adamdar mıngen avtobus şahta maŋynda jer astyna qūlap kettı, dep habarlaidy "Adyrna" ūlttyq portaly.
Oblystyq Tötenşe jaǧdailar departamentınıŋ baspasöz qyzmetı habarlaǧandai, 4 qaŋtar künı saǧat 01:25 şamasynda Pavlodar oblysy Baianauyl audanynda, Maiqaiyŋ kenışınıŋ maŋynda tört jolauşysy bar avtobus şahta maŋyndaǧy şūŋqyrǧa qūlap ketken. Vedomstvonyŋ baspasöz qyzmetınıŋ mälımetınşe, opyrylǧan jerdıŋ ūzyndyǧy 150-200 metr, enı 500 metr, opyrylǧan jerdıŋ tereŋdıgı 150 metr. "Apat kezınde avtobusta TJK PVASS Pavlodar filialynyŋ üş qūtqaruşysy men jürgızuşısı bolǧan. Şahtadan 33 jūmysşy evakuasiialandy, olardyŋ ömırı men densaulyǧyna qauıp joq", - dep habarlady vedomstvonyŋ baspasöz qyzmetı. Avariialyq-qūtqaru jūmystaryna «Maiqainzoloto» AQ käsıbi äskerilendırılgen avariialyq-qūtqaru jūmystary qyzmetınıŋ Pavlodar filialynyŋ, jergılıktı atqaruşy organdardyŋ, sondai-aq tötenşe jaǧdailar bölımınıŋ qūtqaruşylarynyŋ küşterı men qūraldary jūmyldyryldy. Barlyǧy 44 adam, 13 tehnika jäne bır ūşqyşsyz ūşu apparaty (dron) jūmyldyrylǧan."Adyrna" ūlttyq portaly
Ūqsas jaŋalyqtar
