Pavlodarda körşı tūratyn kämeletke tolmaǧan qyzdy tūnşyqtyrmaq bolǧan Afrikalyq azamatqa ükım şyǧaryldy. 25 jastaǧy er adam esı dūrys emes dep tanylyp, mäjbürlı emge psihikalyq nauqastar auruhanasyna jıberıldı, dep habarlaidy "Adyrna" ūlttyq portaly.
Pavlodar oblysynyŋ qylmystyq ıster jönındegı mamandandyrylǧan audanaralyq sotynyŋ baspasöz qyzmetı habarlaǧandai, şeteldık azamat tüngı uaqytta üige zaŋsyz kırıp, kısı öltıruge oqtaldy dep aiyptaldy.
Sotta, sottaluşy 2020 jyly äleumettık jelılerdıŋ kömegımen qazaqstandyqpen tanysyp, qysqa hat-habardan keiın süiıktısıne kelgenı belgılı boldy. Jastar üilenıp, Pavlodar qalasynyŋ maŋyndaǧy jeke üige qonystandy. Sol üidıŋ aulasynda kämeletke tolmaǧan balasy bar erlı-zaiyptylar uaqytşa üidı jalǧa aldy.
«Sot 2020 jyldyŋ 9 tamyzynda taŋǧy saǧat 04:00 şamasynda sottaluşynyŋ körşı üige zaŋsyz kırıp, körşılerınıŋ kämeletke tolmaǧan qyzyn tūnşyqtyra bastaǧanyn anyqtady», dep habarlady sottyŋ baspasöz qyzmetı.Qyzdy oianǧan äkesı qūtqaryp qaldy. Tergeu barysynda belgılı bolǧandai, şabuyl kezınde şeteldık uaqytşa paroksizmaldy normanyŋ būzylu türındegı psihikalyq auytquda bolǧan. Sotta prokuror sottaluşyny qylmystyq jauapkerşılıkten bosatyp, mäjbürlep emdeuge jıberudı sūrady. Däl osyndai pıkırdı sotta onyŋ zaŋdy ökılı bolǧan Oŋtüstık Afrikalyq äielı de bıldırdı. Jäbırlenuşınıŋ ata-anasy psihikalyq auruhanadan şyqqannan keiın elden ketuın talap ettı. Sot prokurordyŋ ūsynysyn qoldap, Oŋtüstık Afrika azamatyn mäjbürlep emdeuge Pavlodar oblystyq psihikalyq densaulyq ortalyǧynyŋ psihiatriialyq auruhanasyna jıberdı.
«Zaŋ talaptaryna säikes, eger adam esı dūrys emes dep tanylsa, onda sot medisinalyq şaralardy qoldanuǧa mındettı. Şeşım zaŋ küşıne engen joq», dep atap öttı sottyŋ baspasöz qyzmetı.
"Adyrna" ūlttyq portaly
Ūqsas jaŋalyqtar
