26 qyrküiekte Pavlodardyŋ ortalyq jaǧalauynda, aşyq aspan astynda ornalasqan ERTIS PROMENADE sahnasynyŋ 2026 jylǧy jazǧy mausymy qorytyndylanady. Biyl jaǧalauda 300-den astam mädeni jäne oiyn-sauyq ıs-şarasy ūiymdastyrylyp, olardy 1 millionnan astam körermen tamaşalady.
Jaz boiy ERTIS PROMENADE sahnasynda Qazaqstannyŋ jäne şeteldıŋ 40-tan astam tanymal änşısı öner körsettı. Sonymen qatar Pavlodar oblysynyŋ qalalary men audandarynan 2 700-den astam önerpaz ben şyǧarmaşylyq ūjym körermenge öz önerın ūsyndy.
Mausym aiasynda konserttermen qatar jastarǧa arnalǧan jobalar, mädeni ıs-şaralar, sporttyq jattyǧular, köŋıldı tapqyrlar oiyndary, aşyq aspan astyndaǧy otandyq kino körsetılımderı jäne basqa da türlı formattaǧy şaralar öttı. Barlyq ıs-şaralar tegın ūiymdastyrylyp, būl ERTIS PROMENADE-ty qala tūrǧyndary men qonaqtary üşın qoljetımdı mädeni demalys keŋıstıgıne ainaldyrdy.
2018 jyldan berı jūmys ıstep kele jatqan ERTIS PROMENADE bügınde Pavlodardyŋ basty körıktı oryndarynyŋ bırıne ainaldy. Jazǧy mausymda mūnda qala tūrǧyndarymen qatar Qazaqstannyŋ basqa öŋırlerınen jäne jaqyn şeteldıŋ şekaralas aimaqtarynan kelgen qonaqtar da bas qosady.
- Auqymdy konsertter men şyǧarmaşylyq baǧdarlamalar jaǧalaudy qalanyŋ mädeni ömırınıŋ maŋyzdy ortalyqtarynyŋ bırıne ainaldyryp qana qoimai, Pavlodardyŋ turistık äleuetın tanytuǧa da mümkındık berıp otyr. Mūnda tūrǧyndar men qonaqtar mädeni demalyspen qatar, jaǧalaudyŋ tabiǧi körınısın tamaşalap, otbasymen jäne dostarymen uaqyt ötkıze alady, - deidı Pavlodar qalasynyŋ äkımı Hasar Habylbekov.
2026 jylǧy şyǧarmaşylyq mausym 26 qyrküiekte saǧat 19:00-de ötetın ülken gala-konsertpen qorytyndylanady. Qorytyndy keşte tanymal qazaqstandyq jäne şeteldık önerpazdar öner körsetedı. Keştıŋ hedlainerlerı — MİRAS JÜGINISOV, ALPHA, DARICORN jäne RAHMAN SATI. Arnaiy qonaqtar qatarynda MAKSİM, LYRIQ jäne JAY SEAN bar.
Mausymnyŋ jabylu keşı merekelık otşaşumen aiaqtalady. Osylaişa biylǧy ERTIS PROMENADE mausymy jüzdegen ıs-şarany qamtyp, millionnan astam körermendı bırıktırgen auqymdy mädeni joba retınde öz märesıne jetedı.
