Pavlodar oblysynda bügın ölımmen aiaqtalǧan jol-kölık oqiǧasy oryn aldy, dep habarlaidy "Adyrna" ūlttyq portaly.
Polisiia departamentınıŋ mälımetınşe, 16 qazan künı Qalqaman – Kernei avtojolynda, Baianauyl audanynyŋ Bırlık auylynan 10 şaqyrym jerde, Lexus RX 330 markaly avtokölıktıŋ jürgızuşısı tızgınge ie bola almai, kölık jol jiegıne audarylyp ketken.
Oqiǧa saldarynan jürgızuşı oqiǧa ornynda qaza tapty. Atalǧan derek boiynşa qylmystyq ıs qozǧaldy, tergeu amaldary jürgızılıp jatyr.
Polisiia departamentı jürgızuşılerge jol qozǧalysy erejelerın qataŋ saqtaudy, jyldamdyqty asyrmaudy, aua raiy men jol jaǧdaiyn eskerudı, sondai-aq kölıktıŋ tehnikalyq jaǧdaiyn ünemı baqylauda ūstaudy eskertedı.
Ūqsas jaŋalyqtar
