Pavlodar qalasynyŋ Memlekettık rämızder alaŋynda Işkı ıster ministrlıgınıŋ Ūlttyq ūlany qataryna şaqyryluşylardy saltanatty türde şyǧaryp salu räsımı öttı.
Pavlodar oblysy – «Adal azamat – Sarbaz – Otan qorǧauşy» jobasy aiasynda Qorǧanys ministrlıgı jüzege asyryp jatqan «Sarbaz joly» dästürın qoldaǧan üşınşı öŋır.
Is-şaraǧa Pavlodar oblysynyŋ äkımı Asaiyn Baihanov, Qorǧanys ministrınıŋ tärbie jäne ideologiialyq jūmys jönındegı orynbasary general-maior Asqar Mūstabekov, Qorǧanys ısterı departamentınıŋ ökılderı, äskeri-tehnikalyq mekteptıŋ kursanttary, Qaruly küşterdıŋ ardagerlerı, sondai-aq äskerge şaqyryluşylardyŋ tuǧan-tuystary qatysty.
Öŋır basşysy Asaiyn Baihanov jastarǧa aqjoltai tılegın bıldırdı. Ol äskeri qyzmettıŋ tūlǧa qalyptastyrudaǧy, jauapkerşılık, tärtıp pen azamattyq qasietterdı tärbieleudegı maŋyzyn atap ötıp, äskerge şaqyryluşylarǧa äskeri boryşyn abyroimen öteudı tıledı.
«Sarbaz joly» dästürın qoldau naqty ıspen de körınıs tapty. Pavlodar oblysynyŋ äkımı Asaiyn Baihanov Pavlodar qalasynyŋ Qorǧanys ısterı basqarmasyna qyzmettık avtokölıktıŋ kıltın tabys ettı. Jaŋa kölık basqarmanyŋ kündelıktı jūmysyn jürgızuge, äskeri-patriottyq tärbie beru jäne jastardy äskeri qyzmetke şaqyru baǧytyndaǧy mındetterdı oryndauǧa eleulı kömek körsetedı.
Öz kezegınde Qorǧanys ministrınıŋ tärbie jäne ideologiialyq jūmys jönındegı orynbasary general-maior Asqar Mūstabekov oblys äkımıne «Sarbaz joly» jobasyn ıske asyruǧa körsetken qoldauy üşın alǧys bıldırdı. Onyŋ aituynşa, oblys äkımdıgımen özara ıs-qimyldyŋ maŋyzdy baǧyttarynyŋ bırı – äskeri qyzmetın aiaqtaǧan jastardy öŋırdegı ırı käsıporyndarǧa jūmysqa ornalastyruǧa järdemdesu.
Sonymen qatar ol äskerde äskeri qyzmetşılerge qajettı jaǧdailar jasalyp jatqanyn atap öttı. Äskeri qyzmetşılerdı tūrmystyq qamtamasyz etuge, tamaqtandyruǧa, medisinalyq qyzmet körsetuge, qauıpsızdıkke jäne ata-analarymen tūraqty bailanysyn qamtamasyz etuge erekşe köŋıl bölınedı.
– Pavlodar – eŋbekqor ärı maqsatşyl adamdardyŋ ölkesı. Sızder de bılımdı, tärtıptı, myqty ärı elıne paidasy tietın azamat boluǧa ūmtylyŋyzdar. Osy tūrǧydan alǧanda, armiia sızder üşın ömırdıŋ, tärtıp pen jauapkerşılıktıŋ mektebıne ainalady, – dedı Qorǧanys ministrınıŋ orynbasary jas sarbazdarǧa arnap söilegen sözınde.
Is-şara barysynda ardagerler, qoǧam ökılderı men ata-analar da jas sarbazdarǧa jyly lebızderın bıldırıp, äskeri qyzmetten aman-esen oralularyn tıledı.
Is-şara jas ūrpaqty tärbieleude memleket, qoǧam jäne otbasynyŋ bırlesken jūmysynyŋ maŋyzdy ülgısıne ainaldy. Sonymen qatar jastardyŋ el aldyndaǧy jauapkerşılık sezımın qalyptastyrudyŋ maŋyzyn aiqyn körsettı.
