Қызылордада құтқарушылар кәріз құдығына құлап кеткен 8 жасар баланы іздестіріп жатыр, деп хабарлайды «Адырна» ұлттық порталы.
Облыстық төтенше жағдайлар департаментінің баспасөз қызметінің хабарлауынша, оқиға бүгін, 25 қарашада болған.
«25 қараша күні сағат 13:24-те Қызылорда облысының Төтенше жағдайлар департаментіне облыс орталығындағы №5 емхананың маңындағы Балқы базар көшесіндегі орталық кәріз құдығына абайсызда 8 жасар баланың құлап кеткені туралы хабарлама келіп түсті», - делінген хабарламада.
Қазір іздестіру-құтқару жұмыстары жүріп жатыр.
«Облыс тұрғындарынан балаларды қараусыз қалдырмауды, көшеде және үйде қауіпсіздік ережелерін естен шығармауды сұраймыз», - деп толықтырды ТЖД.
«Адырна» ұлттық порталы