Түркіменстанның Ұлттық білім беру институтында отандық жоғары және орта оқу орындарының оқытушыларына біліктілігін арттыру үшін Набережные Челны мемлекеттік педагогикалық университетінің (НМПУ) сертификаттарын тапсыру салтанатты рәсімі өтті, деп жазады "Адырна".
Алты күн ішінде Түркіменстаннан 223 мұғалім жеті пән: биология, химия, орыс тілі, әдебиеті, информатика, математика және бастауыш сыныптарда оқу сауаттылығын дамыту бойынша біліктілікті арттыру курстарынан өтті.
Курстарды Түрікменстанның Білім министрлігі, НМПУ және Ресей Федерациясының Ашхабадтағы Елшілігі ұйымдастырды.
Ресей дипломатиялық миссиясының екінші хатшысы Кирилл Воронков атап өткендей, бұл екі елдің білім беру серіктестігі аясындағы дебюттік тәжірибе. Алдағы уақытта бұл бағыттағы ынтымақтастықты тереңдету жоспарлануда.
Курс қатысушыларының айтуынша, олар болашақта жұмыс істеуге көмектесетін жаңа білім мен дағдылар алды.
