«Алтын Орда» базарының иесі Данияр Әлпиев ұсталды. Бұл туралы оның адвокаты Әлібек Алмабаев мәлімдеді, деп хабарлайды «Адырна» тілшісі orda.kz-ке сілтеме жасап.
Айтуынша, кәсіпкер 2 айға қамауға алынған.
«Қарасай аудандық соты Әлпиевті қамауға алу туралы қаулы шығарды. Сот өте жылдам өтті. Олар қамауға алу туралы санкция берді. Бізде үкімге шағымдануға үш күн бар», – деді ол.
Әлпиев 20 желтоқсанда ұсталып, Қарасай ауданындағы уақытша ұстау изоляторына қамалды. Ол аса ірі көлемде алаяқтық жасады деген күдікке ілініп отыр.
Қылмыстық кодекстің 190-бабының 4-бөлігі «Аса ірі көлемдегі алаяқтық» бойынша айып тағылды. Қамауға алынған кезде ол қорғауға құқығы бар куәгер мәртебесіне ие болды. Келтірілген шығын көлемі нақтыланбады. Естеріңізге сала кетейін, «Алтын Орда» базары аумағында №3 сауда павильонының құрылысы басталып, олар жарнама беріп, үлескерлер орындарды брондауға ниет білдірген болатын. Данияр ақшаны бөліп-бөліп беруге рұқсат берді», - деді Алмабаев.
Әлпиевтің өкілінің айтуынша, брондау келісімінде құрылысты аяқтау мерзімі 2024 жылдың екінші тоқсанына белгіленген, біржақты ұзарту мүмкіндігі айына үш реттен көп емес. Бұл жағдайда акционерлерді хабардар етудің қажеті жоқ.