داۋلەت تۇرلىحانوۆتىڭ ءىنىسى، ءانشى راحات تۇرلىحانوۆ ايەلىنە قول كوتەرگەنى تۋرالى اقپارات تاراعان. الايدا بۇگىن ونىڭ جارى ۆيدەوۇندەۋ جولداپ، جولداسىنىڭ سىرتىنان ورىنسىز اڭگىمەلەر ايتىلىپ جاتقانىن مالىمدەدى، دەپ حابارلايدى “ادىرنا” ۇلتتىق پورتالى.
ءانشى راحات تۇرلىحانوۆتىڭ ايەلىنىڭ ايتۋىنشا، كۇيەۋى قامقور ءارى جاقسى ادام.
"راحات وتە جاقسى ادام. مەنى جانە بالالارىن جاقسى كورەدى. وتە قامقور اكە ءارى مەيىرىمدى جار. ارينە، وتباسى بولعان سوڭ باسقا وتباسىلار سەكىلدى بىزدە دە ۇرىس-كەرىس بولادى. بىراق وزگەلەر جاعدايدىڭ اق-قاراسىن بىلمەي نەشە ءتۇرلى اقپارات تاراتۋدا. راحاتتى ادىلەتسىز ايىپتاپ جاتىر. ءبىز سىزدەردىڭ تاراپتارىڭىزدان الاڭداۋشىلىق بولىپ جاتقانىن بىلەمىز. بىراق ۋايىمداۋدىڭ قاجەتى جوق. بىزدە بارلىعى جاقسى", - دەدى ءانشىنىڭ ايەلى.
