“Бұл сейсмикалық белсенді аймақ, дегенмен мұндай күшті жер сілкінісі сирек кездеседі”, деп мәлімдеді АҚШ Геологиялық қызметі қырғыз-қытай шекарасына жақын жерде болған жер сілкінісіне қатысты. Бұл туралы “Адырна” ұлттық порталы хабарлайды.
23 қаңтарда сағат 00:09-да болған жер сілкінісі Тянь-Шань тау жотасында болды.
АҚШ Геологиялық қызметінің мәліметі бойынша, алдыңғы 100 жыл ішінде эпицентрден 250 км қашықтықта магнитудасы 6,5-тен жоғары 3 жер сілкінісі болған.
Ең үлкен магнитудасы 7,1 жер сілкінісі 1978 жылы наурызда, солтүстікке қарай 200 км жерде болды. 1911 жылы қаңтарда 23 қаңтардағы жер сілкінісінен солтүстік-батысқа қарай 250 шақырым жерде Кеминде 8 балдық жер сілкінісі болды. Кеминдегі жер сілкінісі 450-ден астам адамның өмірін қиды және айтарлықтай қиратулар тудырған.
“Адырна” ұлттық порталы
