Садыр Жапаровтың айтуынша, Қырғызстанда бүйрек трансплантациялау операциялары тегін жасалады, деп хабарлайды “Адырна” ұлттық порталы.
Бұл туралы Қырғыз Республикасының Президенті Садыр Жапаров «Кабар» агенттігіне берген сұхбатында растады.
Президент мәліметінше, қазір Қырғызстанда 2,5 мыңнан астам азамат гемодиализ алады, оның 50-і донор тауып, толық медициналық тексеруден өтіп, трансплантацияға дайындалуда.
“Алғашқы операция сәтті өтті. Екі медициналық бригада күніне 2-3 операция жасай алады. Құдай қаласа, бұдан былай өзіміз ота жасайтын боламыз. Құны 7-8 мың доллар тұратын гемодиализге түсетін науқастардың бүйрегін ауыстырып салуды мемлекет өтейді”, - деді президент.
Садыр Жапаров мемлекет осылайша екі есе пайда көретінін атап өтті. Біріншісі – Қырғызстан азаматтарына көмек көрсету. Екіншісі – шығындарды үнемдеу.
“Мемлекет жыл сайын гемодиализ алатын әрбір пациентке 14-15 мың доллардан жұмсайды. Жыл сайын 2,5 мың адамға 3 миллиардтан астам сом бөлінеді. Егер донорларды тапқан науқастарға өзіміз операция жасасақ, шығындарды азайта аламыз. Науқастың өзі донорды табады, бастысы генетикалық ұқсастығы болуы.
Жыл сайын гемодиализ алатын бір пациентке жұмсалатын қаражаттың жартысына операция жасай отырып, қалған бөлігін үнемдеуге және келесі жылға шығындарды толығымен азайтуға болады. Өйткені, егер пациент гемодиализ алуды тоқтатса, онда мемлекет шығындары да азаяды, - деп түсіндірді мемлекет басшысы.
Бұған дейін 2024 жылдың 1 ақпанында Бішкекте алғаш рет 22 жастағы науқасқа ана мен баланы қорғау ұлттық орталығында бүйрек трансплантациясы тегін жүргізілгені хабарланған болатын.
“Адырна” ұлттық порталы
