رەسەي پرەزيدەنتى ۆلاديمير ءپۋتيننىڭ نەمەرە اعاسى ەۆگەني پۋتين قايتىس بولدى، دەپ حابارلايدى "ادىرنا" ءتىلشىسى IvanovoNews اگەنتتىگىنە سىلتەپ.
ءپۋتيننىڭ اعاسى 90 جاسقا كەلگەندە كوز جۇمدى. رەسەيدەگى باق-تىڭ جازۋىنشا، ول 10 ناۋرىز كۇنى ومىردەن وتكەن. الايدا قايدا جەرلەنگەنى بەلگىسىز.
ەۆگەني پۋتين - اۋىل شارۋاشىلىعى سالاسىندا ءتۇرلى قىزمەتتەر اتقارىپ، كەڭشار ديرەكتورى دا بولدى.
رەسەي پرەزيدەنتى ۆلاديمير ءپۋتيننىڭ نەمەرە اعاسى ەۆگەني ءپۋتيننىڭ ۇلى مەن قىزى بيزنەس پەن ساياساتتا ايتارلىقتاي تابىسقا جەتكەن.
ەۆگەني ءپۋتيننىڭ ۇلى «گازپروم» باسقارما توراعاسىنىڭ ورىنباسارى. ال قىزى ەلەنا كەمەروۆو وبلىسىنىڭ گۋبەرناتورى سەرگەي تسيۆيلەۆكە تۇرمىسقا شىعىپ، رەسەيدەگى ەڭ ءىرى كومىر كومپانيالارىنىڭ بىرىنە يەلىك ەتەدى.
