سوڭعى جاڭالىقتارعا سۇيەنەر بولساق، ەءلىمىز كەيىنگى 80 جىلدا بولماعان ۇلكەن اپاتقا تاپ بولدى. تاسقىن سۋدىڭ سالدارىنان قارا حالىق قازىر قيىنجاعدايدى باسىنان وتكەرۋدە. وسى جايتتەردىڭ بارلىعى «ەل باسىنا كۇن تۋسا، ەر ەتىگىمەن سۋ كەشەر» دەگەن ءسوز بەكەر ايتىلماعاندىعىن ەسكە سالادى. وكىنىشكە قاراي، ەلىمىزدىڭ ون ەكى ايماعىن سۋ باسىپ، ولاردىڭ سانى كۇن ساناپ ارتىپ وتىر.
حالقىمىزدا اتادان كەلە جاتقان «ەل باسىنا كۇن تۋسا، ەر ەتىكپەن سۋ كەشەر» دەگەن دانالىق ءسوز بار. وسى ءبىر ماقال ءدال وسى جاعداياتتارعا كەلتىرەايتىلعانداي. ەءلىمىز ازاتتىق الىپ، تاۋەلسىزدىككە قول جەتكىزىپ، مەملەكەت رەتىندە تۇعىرلى ورىننان كورىنىپ، الەمنىڭ ەڭ وزىق مەملەكەتتەرى قاتارىنا ەنىپ، جەتىستىكتەرگە قول جەتكىزىپ, دامىعان ەلدەر قاتارىنا ەندى. الايدا، اپات ايتىپ كەلمەيدىدەمەكشى. سوڭعى ايلارداعى تابيعي اپاتتار ەلىمىزدى ەسەڭگىرەتىپ تاستاعانى دا جاسىنىن ەمەس.
قازاقستاندا كوكتەمنىڭ كەلۋىمەن ەرىگەن قار اقتوبە مەن قوستاناي قالالارىندا سۋ تاسقىنى قارقىن الىپ, مىڭداعان ادام تىكۇشاق جانە قايىقتارمەن ەۆاكۋاتسيالاندى. قازاقستاندا اۋا رايى جىلىنۋىمەن قاتار, قاردىڭ سۋى ەرىپ ەلدىڭ سولتۇستىك، باتىس جانە شىعىس بولىگىندە سۋ تاسقىنىنا اكەلدى. ءاسىرەسە، اقتوبە مەن قوستاناي قالالارىندا وزەن ارناسىنان تاسىپ، كەيبىر ەلدى-مەكەندەر قاتتى زارداپ شەكتى. قازىردە مەكەن تۇرعىندارى جاقىن قالالارعا جەتكىزىلدى. قارا شاڭىراقتارىن تاستاپ كەتۋگە ءماجبۇر بولعان مىڭداعان جەرگىلىكتى حالىق اسكەري تىكۇشاقتار جانە جىلدام قايىقتار ارقىلى قاۋىپسىز ايماققا كوشىرىلدى. قر توتەنشە جاعدايلار مينيسترلىگى تاراتقان مالىمدەمەدەسىنە سۇيەنسەك، سۋ تاسقىنىنىڭ سالدارىن اقتوبەدە ناۋرىزدىڭ 21-نەن باستاپ از دەگەنلە 500 مىڭ تەكشە مەتر سۋ سورىلعانى باسا ايتىلدى. قورشاۋ رەتىندە 50 مىڭنان استام قۇم قويىلعان قاپتارمەن قورشالدى.تاسقىنىنان ءجابىر كورگەن اقتوبە اۋەجايىندا سۋ سورۋ جۇمىستارى اياقتالىپ، سۋدان قاۋىپ تونگەن ايماقتارداعى جان-جانۋارلارعا دەيىن قاۋىپسىز ايماققا كوشىرىلدى.
وسى تۇستا، پرەزيدەنت قاسىم-جومارت توقاەۆ جاۋاپتى تۇلعالارمەن شۇعىل جيىن وتكىزگەنبولاتىن. بۇل رەتتە، اقپارات ءمينيسترى ايدا بالاەۆا ءوز سوزىندە جالعان اقپارات تاراتقاندار «جاۋاپقا تارتىلادى» دەپ باسا ايتتى. ودان كەيىنگى مالىمدەمەسىندە ايدا بالاەۆا: «الەۋمەتتىك جەلىلەردە ارانداتۋشىلىق سيپاتتاعى جالعان اقپاراتتار دا تاراپ جاتىر... بۇل ونسىز دا سۋ تاسقىنىنىڭ بەل ورتاسىندا اپاتپەن كۇرەسىپ جاتقان توتەنشە جاعدايلار قىزمەتىنىڭ جۇمىسىن قيىنداتا تۇسەدى…» دەگەن بولاتىن، Facebook پاراقشاسىندا.
پرەزيدەنتىمىز ءوز كەزەگىندە حالىقپەن حاباردا بولىپ «قازىر ءتيىستى مەكەمەلەردىڭ ءبارى بەلسەندى تۇردە جۇمىس ىستەپ جاتىر. كەيبىر جەردە تاسقىن سۋ كوتەرىلىپ جاتىر. بۇل – تابيعي اپات. قىسقاسى، الدىمىزدا تۇرعان جۇمىس وتە اۋقىمدى. ءبارىمىز ءبىر ەل، ءبىر ۇجىم بولىپ وسى اپاتتى ەڭسەرۋىمىز كەرەك. مەنىڭ تاپسىرمام بويىنشا وبلىستاردىڭ اكىمدەرى جۇمىسقا بەلسەندى كىرىستى», – دەگەن ەدى. قازىردە پرەزيدەنت بۇيرىعىمەن اپاتتان قورعانۋ جۇمىستارى ءوز كەزەگىمەن جاسالىنىپ جاتىر. دەگەنمەن، تابيعي اپاتتىڭ كۇتپەگەن قيىندىقتارى تاۋسىلار ەمەس.
نە دەسەك تە, ايتپاي كەلگەن جاۋدان قورعانۋدىڭ ءبىر عانا جولى بار. ول – بىرلىكتە بولۋ، قامقورلىق تانىتۋ. دەرەكتەرگە سۇيەنەر بولساق, سۋ تاسقىنى ورىن العاننان بەرى قۇتقارۋشىلاردىڭ كومەگىمەن 100 مىڭنان استام ادام قۇتقارىلىپتى. بۇل تۋرالى قر تجم ازاماتتىق قورعانىس جانە اسكەري بولىمدەر كوميتەتىنىڭ اعا وفيتسەرى ەراسىل سايپاش رەسپۋبليكالىق اقپاراتتىق شتابتا وتكەن بريفينگتەگى مالىمدەمەسىندە ايتتى. ونىڭ مالىمدەمەسى بويىنشا تابيعي اپاتتان قۇتقارىلعانداردىڭ شامامەن 40 مىڭعا جۋىعى كىشكەنتاي بابالار. ون ملن-عا جۋىق ەرىگەن قار سۋى سورىلىپ، ەكى ملن-عا جۋىق قورشاۋشى قاپشىق توسەلگەن. ءدال قازىر 36 مىڭعا جاقىن ادام اپاتتىق قۇتقارۋ شارالارىنا جۇمىلدىرىلعاندىعى انىقتالدى. قازىرگى تاڭدا ولاردىڭ سانى ارتۋدا، سەبەبى، كۇن سايىن سۋ العان اۋماقتار كولەمى كوبەيىپ كەلەدى. ايتقانداي، ەل باسىنا كۇن تۋىپ، ەلمەنەن بىرگە سۋ كەشەتىن كۇندەردەن امان-ەسەن وتەيىك دەپ تىلەيىك.
