Halyqaralyq «Qazaq tili» qoǵamy jáne QR Oqý-aǵartý mınıstrliginiń bastamasymen Aqmola oblysynyń ákimdigi birlese uıymdastyrǵan forýmǵa Astana jáne Almaty qalalarynan elimizge belgili ǵalymdar, qoǵam qaıratkerleri jáne jergilikti joǵary oqý oryndarynyń ǵalymdary qatysty.
Sharada Halyqaralyq «Qazaq tili» qoǵamynyń prezıdenti Raýan Kenjehanuly, Halyqaralyq «Qazaq tili» qoǵamynyń ǵylym jáne bilim máseleleri jónindegi vıe-prezıdenti, QR UǴA akademıgi, fılologııa ǵylymynyń doktory, professor Sherýbaı Qurmanbaıuly, Ahmet Baıtursynuly atyndaǵy Til bilimi ınstıtýty dırektorynyń orynbasary, fılologııa ǵylymynyń doktory, professor Kúderınova Quralaı Bımoldaqyzy, «Nazarbaev zııatkerlik mektepteri» DBBU-nyń «Bilim berý baǵdarlamalary ortalyǵy» fılıalynyń sarapshysy Baıtenova Qalamqas Qıdyrbekqyzy, sonymen qatar, Kókshetaý qalasynan №4 oblystyq mamandandyrylǵan mektep lıeı ınternatynyń qazaq tili muǵalimi Jakısheva Aıman Tileýtisqyzy baıandama jasady.
«Patrıotızmdi qalyptastyrý jáne qazaq tiliniń deńgeıin kóterý úshin fılolog muǵalimder men mektepke deıingi bilim berý mekemeleriniń tárbıeshileriniń róli óte mańyzdy. Tildiń bolashaǵy ishinara osy mamandarǵa baılanysty, olarǵa erekshe mán berip, kásibılikti damytý úshin jaǵdaı jasaý kerek. Tildik bilim berý sapasyn jańa deńgeıge kóterý qajet. Búgin ár óńirden kelgen áriptester jınaldy, bizdiń barlyǵymyzdyń bir maqsatymyz bar, ol ana tiliniń sapasyn jaqsartý jáne aýqymyn keńeıtý. Memleket basshysy osy salaǵa erekshe nazar aýdaryp otyr. Sol sebepti, biz elimizdiń barlyq oblystarynda osyndaı forýmdar ótkizýdi uıǵardyq. Aqmola oblysy osyndaı aýqymdy is-shara ótkiziletin birinshi boldy, ony Prezıdent Ákimshiligi qoldady. Men memlekettik til máselelerine beı – jaı qaramaıtyn barlyq aqmolalyqtarǵa zor alǵysymdy bildiremin», - dedi Raýan Kenjehanuly.
Halyqaralyq «Qazaq tili» qoǵamynyń negizgi jumys baǵyttarynyń biri – qazaq tili men ádebıeti páni muǵalimderine ádistemelik qoldaý kórsetý. Osy maqsatta elimizdiń iri oblystary men qalalarynda qazaq tili men ádebıeti páni muǵalimderiniń aımaqtyq forýmy uıymdastyrylady. Sondaı sharanyń biri – Aqmola oblysy muǵalimderi men bilim salasy mamandary arasynda ótti. Muǵalimderdiń kásibı biliktiligin arttyrýǵa baǵyttalǵan ortaq alań – qaýymdastyq quryldy.
Forým qazaq tili men ádebıeti páni muǵalimderiniń kásibı biliktiligin, oqytý ádistemesin jetildirý, muǵalimderdiń shyǵarmashylyq áleýetin damytý jáne pedagogıkalyq sheberligin damytý maqsatynda ótkizildi. Forýmda qazaq tili men ádebıeti baǵyty boıynsha ǵylymı jáne ádistemelik máseleler, praktıkalyq quraldardy qoldaný, qazaq tilindegi oqýshylardyń oqý saýattylyǵy men akademııalyq jazý mádenıetin damytý, muǵalimderdiń kásibı daǵdylaryn jetildirý, shyǵarmashyl, úzdik muǵalimderdi anyqtap, olarǵa qoldaý kórsetý, yntalandyrý, tájirıbesin taratý, qoldaý máseleleri talqylandy.
Sharanyń negizgi bólimi «Bolashaq» saraıynda bastalyp, keıinnen Sh.Ýálıhanov atyndaǵy Kókshetaý ýnıversıtetinde sheberlik saǵattarymen ulasty.
