Мемлекет басшысы Қасым-Жомарт Тоқаев Сербия Президенті Александр Вучичпен телефон арқылы сөйлесті. Бұл туралы Ақорда мәлімдеді, деп хабарлады “Адырна” ұлттық порталы.
Әңгімелесу барысында Қасым-Жомарт Тоқаев пен Александр Вучич екіжақты ынтымақтастықты жандандыру, соның ішінде бұған дейін қол жеткізілген уағдаластықтарды іске асыру және биылғы екінші жартыжылдықта Қазақстан президентінің Белградқа сапарын ұйымдастыру мәселелерін талқылады.
Сонымен қатар тараптар өңірлік және халықаралық күн тәртібіндегі бірқатар өзекті мәселе жөнінде пікір алмасты.
