قازاقستاندىق ستەنداپ-كوميك نۇراسحان باسقوجاەۆ قاماۋعا الىندى. ەر ادامعا ۇساق بۇزاقىلىق جاسادى دەگەن ايىپ تاعىلدى. بۇل تۋرالى جوعارعى سوتتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسءى.
«ايىپتالۋشى ويىن-ساۋىق مەكەمەسىندە ستەنداپ كورسەتۋ كەزىندە جينالعاندارعا قاتىستى ادەپسىز سوزدەر ايتىپ، سول ارقىلى قوعامدىق ءتارتىپتى بۇزعان. ول ءوز كىناسىن تولىق مويىنداپ، ءىس ماتەريالدارىندا كورسەتىلگەن ءمان-جايلاردى راستادى»،—دەلىنگەن حابارلامادا.
سوت ايىپتالۋشىنى اقبتك-ءنىڭ 434-بابىنىڭ 1-بولىگىندە كوزدەلگەن اكىمشىلىك قۇقىق بۇزۋشىلىقتى جاساعانى ءۇشىن كىنالى دەپ تانىپ، وعان 15 تاۋلىككە قاماۋعا الۋ تۇرىندەگى اكىمشىلىك جازا تاعايىندالدى.
سوت ۇكىمى زاڭدى كۇشىنە ەنگەن جوق.
