Қазақстандық стендап-комик Нұрасхан Басқожаев қамауға алынды. Ер адамға ұсақ бұзақылық жасады деген айып тағылды. Бұл туралы Жоғарғы соттың баспасөз қызметі жазды, деп хабарлайды «Адырна» тілшісі.
«Айыпталушы ойын-сауық мекемесінде стендап көрсету кезінде жиналғандарға қатысты әдепсіз сөздер айтып, сол арқылы қоғамдық тәртіпті бұзған. Ол өз кінәсін толық мойындап, іс материалдарында көрсетілген мән-жайларды растады»,—делінген хабарламада.
Сот айыпталушыны ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танып, оған 15 тәулікке қамауға алу түріндегі әкімшілік жаза тағайындалды.
Сот үкімі заңды күшіне енген жоқ.
