Qazaqstandyq stendap-komık Nurashan Basqojaev qamaýǵa alyndy. Er adamǵa usaq buzaqylyq jasady degen aıyp taǵyldy. Bul týraly Joǵarǵy sottyń baspasóz qyzmeti jazdy, dep habarlaıdy «Adyrna» tilshisi.
«Aıyptalýshy oıyn-saýyq mekemesinde stendap kórsetý kezinde jınalǵandarǵa qatysty ádepsiz sózder aıtyp, sol arqyly qoǵamdyq tártipti buzǵan. Ol óz kinásin tolyq moıyndap, is materıaldarynda kórsetilgen mán-jaılardy rastady»,—delingen habarlamada.
Sot aıyptalýshyny ÁQBtK-niń 434-babynyń 1-bóliginde kózdelgen ákimshilik quqyq buzýshylyqty jasaǵany úshin kináli dep tanyp, oǵan 15 táýlikke qamaýǵa alý túrindegi ákimshilik jaza taǵaıyndaldy.
Sot úkimi zańdy kúshine engen joq.
