الماتى وبلىسى ەڭبەكشىقازاق اۋدانىنىڭ اكىمدىگى مارقۇم شەرزات پولاتتىڭ اكەسى قارجاۋباي نۇرىموۆقا تۇرعىن ءۇي سالۋعا كومەك بەرەتىنىن مالىمدەدى، دەپ حابارلايدى «ادىرنا» ءتىلشىسى.
اكىمدىكتىڭ مالىمەتىنشە، قۇرىلىسقا قاجەت رۇقسات قۇجاتتار دايىن.
«جەرگىلىكتى اتقارۋشى ورگاندار تاراپىنان تۇسىندىرمە جۇمىستارىنان كەيىن، ءوتىنىش يەسى رۇقسات قۇجاتتارىن راسىمدەۋ ءۇشىن بارلىق قاجەتتى قۇجاتتاردى تاپسىردى. قازىرگى ۋاقىتتا بارلىق قۇجاتتار تولىق دايىندالدى»، – دەدى اۋدان اكىمدىگىنىڭ ءباسپاسوز قىزمەتى.
اكىمدىك وكىلدەرىنىڭ ايتۋىنشا، قۇرىلىس جۇمىستارى جاقىن ارادا باستالادى دەپ جوسپارلانىپ وتىر.
«اۋدان بيلىگى قۇرىلىس ۇدەرىسىن باقىلاۋدا ۇستاپ، ءوز قۇزىرەتى شەگىندە قاجەتتى قولداۋ كورسەتەدى»، – دەلىنگەن حابارلامادا.
ەسكە سالايىق، بىلتىر 12 قازانعا قاراعان ءتۇنى مارقۇمنىڭ وتباسىنىڭ ءۇيى ورتەنىپ كەتكەن ەدى.
