Нью-Йорк билігі қала маңындағы орман өртіне байланысты төтенше жағдай жариялады, деп хабарлайды "Адырна" ұлттық порталы Bild басылымына сілтеме жасап.
Лонг-Айленд аралында қатты орман өрттері басталып, Нью-Йорктың элиталық аудандарына қауіп төндірді.
Бұл аудандарда Стивен Спилберг, Алекс Болдуин және Дженнифер Лопес сияқты танымал тұлғалар тұрады.
Нью-Йорк штатының губернаторы Кэти Хокул төтенше жағдай жариялап, жағдайдың одан әрі ушығуы мүмкін екенін ескертті.
АҚШ-тың ұлттық гвардиясы өртті сөндіру үшін төрт Blackhawk тікұшағын жұмылдырды. Нью-Йорк штатындағы кейбір жолдар өртке байланысты жабылып, тұрғындар эвакуациялануда.
Өрттің нақты себептері әлі белгісіз. Дегенмен жергілікті тұрғындар от тұтануына көлік апаты себеп болуы мүмкін екенін айтады.
