31 مامىر – قازاقستانداعى ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىنە وراي، قازاقتىڭ ۇلى تۇلعالارىنىڭ ولەڭدەرىنە جازىلعان «الاش» مۋزىكالىق البومىنىڭ تۇساۋكەسەرى وتەدى. ءىس-شارا Facebook جەلىسىندەگى ارنايى پاراقشادا ونلاين فورماتتا ۇيىمداستىرىلادى، دەپ حابارلايدى "ادىرنا" ۇلتتىق پورتالى.
بۇل تۋرالى كومپوزيتور ەركەش شاكەەۆ جەلىدەگى پاراقشاسىندا جاريالادى.
البومعا ساكەن سەيفۋللين، احمەت بايتۇرسىنوۆ، ماعجان جۇماباەۆ جانە مىرجاقىپ دۋلاتۇلىنىڭ ولەڭدەرىنە جازىلعان تۋىندىلار ەنگەن. جوبانىڭ باستى ماقساتى — الاش قايراتكەرلەرىنىڭ رۋحاني مۇراسىن ناسيحاتتاپ، ولاردىڭ ەل ءۇشىن جاساعان ەڭبەگىن زاماناۋي مۋزىكالىق فورمادا تانىتۋ.
اۆتوردىڭ ايتۋىنشا، البوم اياسىندا العاش رەت تىڭدارمانعا ۇسىنىلاتىن تۋىندىلاردىڭ ءبىرى — احمەت بايتۇرسىنوۆتىڭ سوزىنە جازىلعان «ەگىننىڭ باستارى» اتتى جاڭا ءان.
