23 мамырда Финляндия Сыртқы істер министрлігі ресейлік ұшақтардың фин әуе кеңістігін бұзуына байланысты Ресей елшісін түсініктеме беру үшін шақыртты. Бұл туралы Yle телеарнасы жазды, деп хабарлайды «Адырна» тілшісі.
Жергілікті БАҚ-тың мәліметінше, жұма күні екі ресейлік әскери ұшақ Финляндияның әуе кеңістігін бұзған. Бұл оқиға Фин шығанағы жағалауындағы Порвоо қаласының маңында болған.
Фин тарапы Мәскеуден ресми түсініктеме беруді талап етіп отыр. Елдің қорғаныс министрі Антти Хяккянен бұл оқиғаға бей-жай қарамайтындарын атап өтті.
Еске салайық, бірнеше күн бұрын Антти Хяккянен Ресейдің Балтық өңіріндегі, әсіресе Фин шығанағындағы әскери белсенділігінің күшеюіне алаңдаушылық білдірген еді.
