Нұр-Сұлтанда Қазақстан Президенті Қасым-Жомарт Тоқаевтың қатысуымен «BIZ BIRGEMIZ» онлайн форумы өтуде.
Мемлекет басшысы коронавируспен күрестің алдыңғы шебінде жүрген азаматтарға ризашылығын білдіріп, оларға "Халық алғысы" атты арнайы медаль табыстауды ұйғарғанын айтты. Аталған медальмен 343 адам марапатталды. Олардың арасында 60 дәрігер , 39 полицей, 30 әскери қызметші, 41 волонтер, 34 меценат, 38 мәдениет және білім өкілдері және 25 БАҚ қызметкері бар.
"Осы індеттен құтылған соң елордамызда азаматтарымыздың ерлігіне арналған ескерткіш қоюымыз керек. Барша Қазақстан азаматына амандық, игілік тілеймін. Біз бұл қиындықты міндетті түрде жеңеміз. Себебі, біз біргеміз!", - деді Қасым-Жомарт Тоқаев.
"Адырна" ұлттық порталы
