بەيرۋتتاعى جارىلىستان قايتىس بولعانداردىڭ سانى 137-گەجەتىپ، جاراقات العاندار 5000-نان استى. ءىز-ءتۇسسىز جوعالىپ كەتكەن ادامدار دا بار، دەپ حابارلايدى "حابار 24" كز.
قالا گۋبەرناتورىنىڭ حابارلاۋىنشا، جارىلىستىڭ شىعىنى 15 ملرد دوللار. قازىر مۇندا 2 اپتا توتەنشە جاعداي جاريالانعان.
ليۆاننىڭ اقپارات ءمينيسترى قويما جۇمىسىنا جاۋاپتىلاردىڭ بارلىعى ءۇي قاماۋىنا الىنادى دەيدى.
قويمادا 2014 جىلدىڭ ماۋسىمىنان بەرى 2750 توننا امموني نيتراتى زاڭسىز ساقتالعان. جارىلىستان بارلىعىمىز زارداپ شەكتىك. بۇل - ۇلتتىق اپات بولدى - دەيدى مينيستر.
پورتتاعى جارىلعان اممياك سەليتراسى قويمادا 6 جىل ساقتالعان. جۇك رەسەي ازاماتى يگر رەچۋشينگە تيەسىلى. گرۋزيادان موزامبيككە حيميكاتتار تاسۋمەن اينالىسقان كەمە بىر ساپاردا بۇزىلىپ، بەيرۋتتا توقتاعان. كەمە سالىق تولەمەگەندىكتەن جۇگىمەن بىرگە قاماۋعا الىنادى. ال كەمە يەسى رەچۋشكين ەشقانداي اقشا تولەمەي، ەكيپاجدىڭ 4 مۇشەسى ەلىنە ءبىر جىلدان كەيىن ازەر ورالعان. پورتتىڭ كەدەن قىزمەتى بيلىكتەن قويماداعى قاۋىپتى زاتتى جويۋعا 6 رەت ءوتىنىش جاساعان. بەلگىسىز سەبەپتەرمەن ءوتىنىش اياقسىز قالعان.
قازاقستاننىڭ ليۆانداعى ەلشىلىگىندە 113 قازاقستاندىق تىركەلگەن. ولاردىڭ ەشقايسىسى جارىلىستان زارداپ شەكپەگەنى ءمالڭم بولدى.
قازىر ەۋروپا ەلدەرى ليۆانعا العاشقى كومەكتەرىن كورسەتىپ جاتىر.
"ادىرنا" ۇلتتىق پورتالى
