5 шілдеден бері бетпердесіз жүрген 2778 жеке тұлғаға әкімшілік айыппұл салынған. Бұл туралы Денсаулық сақтау министрлігінің ресми өкілі Бағдат ҚОЖАХМЕТОВ арнайы баспасөз брифингінде хабарлады.
Бетпердені тағу міндеттелген жабық ғимараттарда осы талапты бұзып, бетпердесіз жүрген азаматтарға, сонымен қатар қоғамдық орындарда бетперде тақпаған 306 адамға айыппұл салынып, айыппұл көлемі 62,6 млн теңгені құраған. Осы туралы сөз еткен Қожахметов тәртіпті бұзғандарды арнайы мониторинг жүргізу топтары мен жергілікті полицейлер анықтайтынын да жеткізді.
Бұл көрсеткіш еліміз бойынша анықталған жағдай. Жекелеген аймақтар мен нақты қай өңірдегі бетперде тағу талабына бағынбағандар саны туралы әзірге нақты мәлімет жоқ.
