Ресейлік "Бірінші арна" эфирінде Мемлекеттік Дума депутаты Вячеслав Никоновтың Қазақстан туралы айтқан сөзі желіде тараған еді. Депутат эфир барысында Қазақстан деген ел болмады деген еді.
СІМ ресейлік депутаттың Қазақстан аумағы туралы мәлімдемесіне жауап берді, деп хабарлайды «Адырна» ұлттық порталы Tengrinews.kz cайтына сілтеме жасап.
"ҚР СІМ Ресей тарапының мұндай мәлімдемелерге тиісті баға беруін күтеді және Ресей Федерациясының мемлекет қайраткерлерінен мұндай мәлімдемелерге жол бермеу үшін шаралар қабылдауға шақырады", - делінген хабарламада.
Қазақстан Сыртқы істер министрлігіне Ресей Федерациясының Уақытша сенімді өкілі Александр Комаров шақырылды. Ресейлік дипломатқа ҚР СІМ ұстанымы көрсетілген нота табысталды.
