"Ақынның аты – Бауыржан. Бірақ атақты батыр емес, ақын еді. Ол да Жуалыдан. Бетбақтағы ақбөкен қырғыны... Ол соны өлеңмен жазды. Ақбөкенді әуелі төрт аяқты қасқырлар қырды. Оларда нысап бар екен. Бес құралайды құлатып, сонымен тынды. Ал енді жерде – мәшине, көкте – тікұшақ мінген екі аяқты қасқырлар ақбөкен табынын қынадай қырып салды... Бауыржан Үсенов Бетбақдала қырғынын осылай жазды.
Табиғат, аңдарды қорғау мекемелері Бауыржан Үсенов өлеңдерін білсе ғой, шіркін. Аз тұра ма, көп тұра ма, қалай дегенде де кеңсе қабырғаларына іліп қойса. Бірақ оны ойлайтын кім бар?.."
Шерхан Мұртаза,
«Бір кем дүние» кітабынан
