Өзбек депутаты: Басқыншы КСРО туын көтеру - өзбекті қорлау!

1945

Ташкентте «Жеңіс әндері» концерті кезінде көрермендер КСРО туын көтерді. “Ұлттық жаңғыру» оңшыл партиясының жетекшісі, депутат Алишер Кодиров (Қадыров): “бұл арандатушылық”,- деп баға берді. Бұл туралы "Адырна" ұлттық порталы хабарлайды. 

Ресейлік «Түрік хоры» және «Сопрано» ұжымдарының концерті Өзбекстан үкіметі мен Мәдениет министрлігінің, Мәскеу үкіметінің қолдауымен өтті.

Көрермендер ескі әндерді ризашылықпен тыңдап, белсенді түрде ән айтты. Тіпті біреу КСРО - фашизмді жеңген елдің туын көтерді.

«Өзбекстанның Ұлттық жаңғыру демократиялық партиясы кеше Ташкенттегі Истиклол сарайының алдында ұйымдастырылған бейтарап концерттік бағдарлама кезіндегі қасақана арандатушылықты қатаң түрде айыптады. Біз өнерге емес, өнерді саясаттың қаруына айналдыруға қарсымыз.

Біз астананың дәл ортасында прогрессивті өзбек зиялы қауымының қанымен боялған (жаулап алушы) Кеңес мемлекетінің туын жоғары көтеруді өзбек халқын қорлау деп санаймыз », - деп жазды ол Facebook-те (өзбек тілінен аударғанда) .

Депутат Бас прокуратурадан «бұл арандатушылыққа» баға беруін талап етті.

Совет туына жасалған мұндай оғаш шабуыл Ташкенттегі танымал патриоттық марш «Өлмес полк» ұйымдастырушысы Тимур Исмаиловты таң қалдырды.

«КСРО 1922 жылы құрылған одақтас мемлекет. Өзбекстан оның, Қазақстан, Ресей, Украина және басқа республикалар сияқты ажырамас бөлігі болды », - деп еске салды Исмаилов.

Өзбектер Кеңес Одағының біріккен Қарулы Күштерінде қызмет етті. Өзбекстанды КСРО-ның оккупациясында болды деудің еш мағынасы жоқ».

Сонымен қатар, “Бессметный полкін” ұйымдастырушының айтуынша, 1 мамырдағы концерт Ұлы Отан соғысындағы Жеңіске арналды. Бұл Кеңес Одағының жеңісі, сондықтан жалауда тұрған қателік жоқ.

«Осы тудың астында біздің әкелеріміз бен аталарымыз майданға аттанды, осы ту үшін олар өз өмірлерін қиды, олар неміс басқыншыларынан азат етілген қалалар мен ауылдардың үстінде осы туды көтеріп жүрді, ал осы тудың астында өзбектер төрт жыл бойы жұмыс істеді, ұзақ жылдар тылда еңбек етті. Сонымен, 1945 жылы Рейхстагтың үстінде көтерілген Идрица атқыштар дивизиясының туы да, нацизмді жеңуге үлес қосқан барлық өзбектерге қатысты. КСРО туы да осы концертте көтерілгені орынды болды », - деп баса айтты белсенді.

Естеріңізге сала кетейік, бұған дейін Кодиров балаларын орыс мектептеріне беретін өзбектерге қатысты сындарымен ерекшеленген болатын. Ол қандай да бір себептермен Өзбекстанда орыс тілінде оқуға тек этникалық орыстар ғана құқылы деп санайды.

"Адырна" ұлттық порталы

Пікірлер
Ұқсас жаңалықтар