Футболдан Қазақстан құрамасының бұрынғы ойыншысы Станислав Лунин (Ислам Далаев) 28 жасында көз жұмды, деп хабарлайды «Адырна» ұлттық порталы.
Prosports.kz сайты танымал спортшының жүрегі тоқтап қалғанын жазды.
Станислав Лунин спорттағы карьерасын өскемендік «Восток» клубында бастаған. Одан кейін футболшы қарағандылық «Шахтерде», алматылық «Қайратта» және павлодарлық «Ертіс» құрамасының мүшесі болған. Карьерасын «Шахтерде» аяқтады.
Ол - Қазақстан чемпионы, ел кубогы мен Суперкубоктың иегері. Сонымен қатар Қазақстан чемпионатының күміс және қола медальдарын жеңіп алған.
"Адырна" ұлттық порталы
