PCloud компаниясының сарапшылары танымал мобильді қосымшалардың смартфон батареясының өшіп қалуына қаншалықты әсер ететіндігін талдап, батареяны тұтыну тұрғысынан ең зиянды қызметтердің, әлеуметтік желілер мен мессенджерлердің тізімін жариялады деп хабарлайды «Адырна» ұлттық порталы Daily Express-ке сілтеме жасап.
Daily Express-тің хабарлауынша, ұсынылған қосымшалардың жоғары сұранысы батарея деңгейіне де, үлкен көлемдегі жадыны пайдалануға да әсер етеді, бұл мобильді құрылғының жұмысының төмендеуіне әкелуі мүмкін.
Бұл тізімде 87% батареяны «жейтін» Skype және Uber, 82% Facebook, Instagram, Tinder және Airbnb пәтерлерді брондау қызметі бар.
Сондай-ақ сарапшылар WhatsApp, YouTube, Telegram және Zoom желілері телефон қуатын 77 пайызға дейін төмендететінін анықтады.
Ал абсолютті көшбасшы Fitbit фитнес қосымшасы болды (92 пайыз).
«Адырна» ұлттық порталы.
