Қытайдың Хэби округіндегі көмір шахтасында болған жарылыстан бір адам қаза тауып, 7 адам жоғалып кетті деп хабарлайды «Адырна» ұлттық порталы «Рен-Тв»-ге сілтеме жасап.
Бұл туралы кеше Қытайдың Орталық мемлекеттік телеарнасы хабарлаған.
Телеарнаның хабарлауынша, «Хэби мэйдянь» компаниясының шахтасында газ бен көмір шаңының жарылысы болған.
Қазіргі уақытта оқиға орнында құтқару жұмыстары жүргізіліп жатыр. Оқиғаның мән-жайы анықталып жатыр.
Бұған дейін Бурятиядағы алтын кенішінде үлкен жарылыс болғаны туралы хабарланған болатын.
«Адырна» ұлттық порталы.
