Бүгін 15 маусымда, Қостанайда Тәуелсіздік-Бородин көшелерінің қиылысында велосипедші мен Ваз-2115 автокөлігінің қатысуымен жол-көлік оқиғасы орын алды, деп хабарлайды "Адырна" ұлттық порталы.
Kstnews.kz хабарлағандай, оқиға сағат 09:00 шамасында болған. Соқтығысу салдарынан 44 жастағы велосипедші түрлі жарақаттармен ауруханаға жеткізілді, ал кейіннен әйел қайтыс болды.
"Жүргізуші оқиға орнынан қашып кеткен. Қазіргі уақытта ол қамауға алынды. Жол-көлік оқиғасы фактісі бойынша ҚР Қылмыстық кодексінің 345-бабы, 3-бөлігіне қатысты сотқа дейінгі тергеу басталды", деп мәлімдеді Қостанай облысы бойынша ПД баспасөз қызметі.
Сараптамалар тағайындалғаны, одан әрі тергеу әрекеттері жүргізіліп жатқандығы атап өтілді.
"Адырна" ұлттық порталы
