Búgin 15 maýsymda, Qostanaıda Táýelsizdik-Borodın kósheleriniń qıylysynda velosıpedshi men Vaz-2115 avtokóliginiń qatysýymen jol-kólik oqıǵasy oryn aldy, dep habarlaıdy "Adyrna" ulttyq portaly.
Kstnews.kz habarlaǵandaı, oqıǵa saǵat 09:00 shamasynda bolǵan. Soqtyǵysý saldarynan 44 jastaǵy velosıpedshi túrli jaraqattarmen aýrýhanaǵa jetkizildi, al keıinnen áıel qaıtys boldy.
"Júrgizýshi oqıǵa ornynan qashyp ketken. Qazirgi ýaqytta ol qamaýǵa alyndy. Jol-kólik oqıǵasy faktisi boıynsha QR Qylmystyq kodeksiniń 345-baby, 3-bóligine qatysty sotqa deıingi tergeý bastaldy", dep málimdedi Qostanaı oblysy boıynsha PD baspasóz qyzmeti.
Saraptamalar taǵaıyndalǵany, odan ári tergeý áreketteri júrgizilip jatqandyǵy atap ótildi.
"Adyrna" ulttyq portaly
