AQŞ prezidentı Djo Baiden Siriia men Türkiiadaǧy jer sılkınısınen zardap şekken bosqyndar men migranttarǧa Federaldy tötenşe kömek qorynan 50 million dollar jıberu jönınde şeşım qabyldady. Būl turaly jūma künı Aq üi taratqan memorandumda aitylǧan, dep habarlaidy “Adyrna” ūlttyq portaly. TASS agenttıgıne sılteme jasap.
«2023 jylǧy aqpanda Türkiia men Siriiada bolǧan jer sılkınısınen bosqyn jäne migrant bolǧandardyŋ şūǧyl qajettılıkterın qanaǧattandyru maqsatynda, onyŋ ışınde halyqaralyq jäne ükımettık emes ūiymdarǧa gumanitarlyq kömek körsetu üşın jarna men basqa da kömek arqyly qordan 50 mln dollardan aspaityn kölemde kömek körsetu ūlttyq müdde üşın maŋyzdy dep sanaitynyn», dep atap öttı AQŞ prezidentıEske sala keteiık, 7,7 jäne 7,6 balldyq jer sılkınısı 6 aqpanda Türkiianyŋ oŋtüstık-şyǧysyndaǧy Kahramanmaraş provinsiiasynda toǧyz saǧattyq intervalmen boldy. Jer asty dümpulerı, sodan keiıngı jüzdegen afterşok respublikanyŋ 10 provinsiiasynda jäne körşı elderde, sonyŋ ışınde eŋ köp zardap şekken Siriiada sezıldı. Al 20 aqpanda Hatai provinsiiasynda magnitudasy 6,4 jäne 5,8 bolatyn ekı zılzala boldy. Türkiiada qūrban bolǧandar sany 44 218 adamdy qūrady.
Ūqsas jaŋalyqtar
